4 Сентября 2010 Фолк-фэст «Камяніца»

[Atrides]

Фолк-фэст «Камяніца» абяцае разнастайную музыку і суцэльны пазітыў

Абвешчаны спіс асноўных ўдзельнікаў фолк-фэсту «Камяніца», які адбудзецца 4 верасня ў Музеі народнай архітэктуры і побыту пад Мінскам. Усе сродкі ад продажу квіткоў ідуць на рахункі музею.

Да хэдлайнераў, якімі ў гэтым годзе будуць славутыя «Троіца» і «Палац», далучыліся гурты «Маланка Аркестр», Akana, «Бан-Жвірба» і GUDA. Акрамя гэтага плануюцца выступы маладых калектываў (прапановы прымаюцца на мэйл kamyanitsa@gmail.com), а таксама народныя гульні і забавы.

«Мы жадаем паказаць розныя бакі сучаснай беларускай фольк-культуры, таму на фэсце будуць не толькі архаічныя спевы і туга, але і сучасныя эксперыменты і шмат пазітыву, – распавядае каардынатар фэсту Сяргей Чэгрынец. – Таксама наведвальнікі фэсту будуць мець магчымасць аглядзець усю экспазіцыю музею і проста добра пашпацыраваць сярод лугоў і аўтэнтычных драўляных забудоў 18-20 стагоддзяў».

У гэтым годзе фэст таксама распачынае традыцыю запрашэння адмысловых гасцей. Вядомыя выканаўцы з іншых музычных напрамкаў будуць у межах фэсту спяваць народныя песні. Першым з іх будзе вядомы рок-музыка Лявон Вольскі.

«Запрашэнне было досыць нечаканым, але тым больш цікавым, – прызнаецца Лявон Вольскі. – Будзем прэзентаваць невялікую адмысловую праграму з акустычнымі інструментамі. Спадзяюся, што фолк-дзеячы не раскрытыкуюць наш эксперымент».

Дарэчы, у гэтым годзе даехаць да фэсту будзе значна прасцей. Ад прыпынку «Малінаўка-6» (скрыжаванне вуліц Громава і Слабадской) да музею і ад яго з 13 да 22 гадзін будзе ездзіць бясплатнае маршрутнае таксі. Акрамя таго да музею і з ад яго можна будзе даехаць аўтобусам №203 ад аўтастанцыі «Паўднёва-Заходняя», які ў гэты дзень будзе хадзіць часцей і пазней, чым звычайна.

«Белзнешэканамбанк» прадстаўляе: 4 верасня ў Музеі народнай архітэктуры і побыту (в.Азярцо, 4 км. за аўтарынак «Малінаўка») фолк-фэст «Камяніца». Квіткі: 6300 руб. для дарослых, 3150 руб. для школьнікаў. Фэст працягнецца з 15 да 22 гадзіны. Папярэдні продаж квіткоў – вул. Кальварыйская 17 – 614, тэл. (017) 209 41 63. Папярэдняя рэгістрацыя, відэа ўдзельнікаў і дадатковая інфармацыя на сайце http://fest.kamyanitsa.by. Даведка: (029) 670 13 30.

Фолк-фэст «Камяніца» абвяшчае хэдлайнераў і шукае таленты

4 верасня у Музеі народнай архітэктуры і побыту мае адбыцца фолк-фэст «Камяніца». У гэтым годзе хэдлайнерамі мерапрыемства будуць этна-трыа «Троіца» і гурт «Палац». Сродкі ад продажу квіткоў пайдуць на рахункі музею.

Музей народнай архітэктуры і побыту знаходзіцца ў вёсцы Азярцо ў 5 кіламетрах ад Мінска (за аўтарынак «Малінаўка»). На маляўнічых лугах пад блакітным небам стаіць унікальная калекцыя помнікаў драўлянай архітэктуры 18-20 стагоддзяў з усёй Беларусі: дамы і цэрквы, млыны і гаспадарчыя будынкі.

Фестываль упершыню адбыўся год таму, сабраўшы каля 2 тысяч гледачоў. Тады музычную праграму ўзначалілі гурты Kriwi, «Стары Ольса», «Нагуаль», «Джамбібум».

«У мінулым годзе мы хутчэй спрабавалі свае сілы, таму гэтым разам мы павінны ўсё зрабіць яшчэ лепш на ўсіх узроўнях, ад транспарту да музычнай праграмы, – распавядае каардынатар фестывалю Сяргей Чыгрынец. – Акрамя хэдлайнераў будуць іншыя досыць вядомыя гурты, але галоўнае – мы шукаем новыя таленты, каб паказаць іх на нашым фэсце. Бо нешта ўсе кажуць, што новых фолк-выканаўцаў няма, але мы не жадаем верыць у гэта».

Запісы трэба дасылаць на мэйл kamyanitsa@gmail.com. Лепшы гурт абярэ аўтарытэтнае журы на чале з Алегам Хаменка («Палац») і Іванам Кірчуком («Троіца»).

Кошт квіткоў на мерапрыемства будзе звычайны для музею – 6300 руб. для дарослых, 3150 руб. для школьнікаў. Фэст працягнецца з 15 да 22 гадзіны. Даведка: (029) 670 13 30.

[Valiksan]

Был там достаточно прикольно, и честно говоря искал повод съездить снова.Учитывая доступность входа давайте соберёмся, единственное что жена работает до 15-20 ,и того к четырём готов быть на месте музея .Единственное не понял там же билеты на месте были или на мероприятия по дугому?

[Atrides]

Билеты на месте в кассе как обычно.

[chucha]

Думаю, мы бы с the bearded man смогли бы выбраться в субботу на фест.

Если кто-нить едет, может скоординируемся?